 |
| Dokpribadi |
Sufa kauf Amarasi Baun
Sae naba'a ma nkoa
Umasan kot fe babaun
Muni i mumas moe kaum umkoa
Kol Kita lulu mtasa
Kit neno kit amsat
Umnau kot ho fe mtasa
Muni i mu iun aomina ma aoleko msat
Kol umu a umum tasi
Kol oel apao oel
Tokot kaisam um lasi
Fei ho nekam he Uisneno npaloel
Paloel hit pah Bitimo Pah Amaut
In funan natef nehenu nok haumeni
Monit i alah lais mamnaut
Heina hita' mo'eke nahenu nok fomeni
Binon amasat Oekolo
naiti tuke nloé sapa
Nao soèt oè nbi Bipolo
Nemam naniun bi Oesapa
Kot kotos aloé lasi
Naplelem nemat a ntok nabi Matani
Koé Sufa Kauf Abitan Oénlasi
Ho lais susal ma nukat eim he tbok tani
Lais ana pah muni i
Tuafe nketek nak Lasiana
Mes in lasi ka matu'i
In uabe ka mahina'
Es natuin lisa Balana
Tabu i molok meto ka malabi
Lian munif moe kaes ana
Sin mak naha noen kabi
Au nek seunbanit al alkit
Bi pah ma nifu haumeni
Pah Bitimo pah nako bei nai neu kit
Eim he tpalkalt ma tpaloél in fomeni
Matani, 29 Agustus 2021
K. B.17, Seminari Hati Maria✍⛪
0 Comments